შპს თბილსერვის ჯგუფი

"თბილსერვის ჯგუფმა" საპილოტე პროგრამის ფარგლებში, საბურთალოს მუნიციპალიტეტის რაიონში, გოდერძი ჩოხელის ქუჩაზე კომპანია „მაიჯიპიესის“ მიერ წარმოებული LED სანათები დაამონტაჟა. პილოტ პროექტის ფარგლებში დამონტაჟდა თორმეტი დიოდური სანათი. ადგილზე "თბილსერვის ჯგუფის" და კომპანია „მაიჯიპიესის“ წარმომადგენლები იმყოფებოდნენ. თბილისში „თბილსერვის ჯგუფმა“ დიოდური სანათების მონტაჟის უკვე მე-15 პილოტ პროექტი განახორციელა. დიოდური სანათები ელექტროენერგიის 60–70%-იან ეკონომიას იძლევა.