შპს „თბილსერვის ჯგუფი“ განაგრძობს კონტროლს სამშენებლო, ინერტული და სხვა სახის ნარჩენების უკანონოდ განთავსებაზე. გეგმიური ინსპექტირებისას „თბილსერვის ჯგუფის“ ზედამხედველობის სამსახურმა სამართალდამრღვევი პირი გამოავლინა, რომელიც „ნარჩენების მართვის კოდექსის“ შესაბამისად დააჯარიმა. სამართალდამრღვევი პირი მტკვრის მარჯვენა სანაპიროზე, ფერაძის ქუჩის მიმდებარედ სამშენებლო ნარჩენების უკანონო განთავსებას ახორციელებდა.
შპს „თბილსერვის ჯგუფი“ მოუწოდებს სამართალდამრღვევ პირებს, რომ თავი შეიკავონ სამშენებლო, ინერტული და სხვა სახის ნარჩენების თვითნებურად დაყრისაგან - სამშენებლო ნარჩენები განათავსონ მუნიციპალიტეტის მიერ ნებადართულ ტერიტორიებზე, წინააღმდეგ შემთხვევაში ადმინისტრაციულ-სამართლებრივი ღონისძიებები ყველა სამართალდამრღვევი პირის მიმართ განმეორებით განხორციელდება.
Payment
Auction
FAQ
Application Fee
COVID-19